ABW POW Bermuda Hulle het agt kinders gehad. Toe Jan en Susanna du Plessis trou in 1879, is hy van Broekpoort en sy van Langfontein in die Distrik Burgersdorp . Jan trou daarna met die weduwee Anna Vermaak wat gebore is in 1860 en sy word 96 jaar oud voordat sy oorlede is in 1956. Hulle het een kind gehad. Na Koos Venter se dood, gaan Jan, sy broer Petrus en sy swaer Piet Venter ‘n ooreenkoms aan oor die verdeling van die gedeeltes van Broekpoort wat hulle erf. Jan ontvang die resterende gedeelte van Broekpoort (583 morg) en Middelbult (278 morg), sowel as ‘n derde van die waterreg van die Slikspruit323. In die boedel van Susanna word aangedui dat Jan aandele in Broekpoort en Waterval het en dele van Middelbult besit, wat blykbaar maar dui op die ooreenkoms waarna verwys is. Die kinders erf die plase, maar Jan behou vruggebruik324. By sy eie afsterwe word hy getoon as rustende boer wat woon te Collinstraat 24, Bethulie325 . Tydens die Anglo-Boere-oorlog was Jan op kommando en daarna in die krygsgevangenekamp te Bermuda en sy vrou en kinders in die Konsentrasiekamp Springfontein. Daar is Susanna in die hospitaal oorlede aan ingewandskoors. Hulle vierjarige kind Sarel Jacob Venter is ook in die Konsentrasiekamp Springfontein oorlede in 1901 aan bronchitus.