ABW POW Petrus is gebore in 1863 en was 72 jaar oud toe hy in 1935 oorlede is. Hy was ‘n boer. Die 19-jarige Petrus trou in 1883 met die 18-jarige Catharina du Plooy. Sy is gebore in 1864 en is oorlede in 1901 toe sy bykans 37 jaar oud was. Hulle het vyf kinders gehad. Petrus trou weer op 41-jarige leeftyd met Susanna Kruger351 wat toe 32 jaar oud was en voorheeN getroud was met Barend Johannes van den Berg. Sy is gebore in 1872 en word 37 jaar oud voordat sy oorlede is in 1910. Hulle het twee kinders gehad. Daarna trou Petrus met Susanna Francina Kruger. Hulle was met die troue albei 48 jaar oud. Petrus en sy twee seuns Jacobus Johannes en Floris Jacobus neem deel aan die Anglo-Boere-oorlog. Daar is ‘n rekord daarvan dat Petrus Venter van Broekpoort (37 jaar oud) krygsgevange geneem is op 30 Julie 1900 en na Diyatalawa in Ceylon (Sri Lanka) gestuur is352 en dit word bevestig in ‘n verklaring van sy broer, Sarel Jacob. Hy teken egter blykbaar in Augustus 1901 die sterfkennisgewing van sy vrou in die Bethulie Konsentrasiekamp. Hulle seun Jacobus Johannes is via Groenpunt na Bermuda gestuur en Floris Jacobus was blykbaar in Groenpunt (Kaapstad) aangehou354. Petrus se eerste vrou, Catharina, is op 23 April 1901 opgeneem in die Bethulie Konsentrasiekamp saam met haar twee dogters Susanna Aletta en Elsje Phillipina355. Catharina is oorlede op 25 Augustus 1901 aan masels en Susanna Aletta op 4 Oktober 1901 aan koors. Na Koos Venter se dood, gaan Petrus en sy broer Jan Adriaan en sy swaer Piet Venter ‘n ooreenkoms aan oor die verdeling van die gedeeltes van Broekpoort wat hulle erf. Petrus verkry Elim (837 morg), Erfdeel (7 Morg) en Alfalfa (26 morg) sowel as ‘n derde van die waterreg van die Slikspruit357. In die Konsentrasiekamprekord van Catarina word aangedui dat sy ‘n bywoner van die plaas Diepfontein was toe sy in die konsentrasiekamp opgeneem is. Ten opsigte van die kinders word egter net aangedui dat hulle van Broekpoort afkomstig is. Die oorlewendes het dan ook teruggekeer na Broekpoort. Op 5 Maart 1928 maak Petrus en sy derde vrou, Susanna Kruger, ‘n testament te Bethulie. In daardie stadium is Petrus ‘n afgetrede boer, besit hulle Erf 340 in Bethulie en woon hulle daar. Petrus is in 1935 te Bethulie oorlede.