ABW Hulle het ses kinders gehad. Na die Anglo-Boere-oorlog dien Anthonie ‘n eis om skadevergoeding339 van £1713.5.0 in vir die verlies van ongeveer 350 skape, 93 beeste, ‘n aantal perde, ‘n bokwa en meubels. In sy verklaring meld hy dat hy op kommando was en in 1900 die eed van neutraliteit te Abrahamskraal afgelê het. Daarna het hy weer onder ‘n nuwe opdrag saam en onder beskerming van ‘n kommando gegaan en die skape van die kommando opgepas. Hy probeer blykbaar te kenne gee dat hy nie weer geveg het nie, maar daar is ‘n nota deur die Britte van “broken oath”. Hy het gewoon te Gannafontein (2108 morg groot), maar ook rondgetrek met sy vee en sy vrou en kinders het op die plaas gebly. Daar is ’n nota op die lêer dat Anthonie redelik goed daaraan toe is en die eis word in geheel afgekeur. Daar kon nie veel inligting bekom word oor Anthonie-hulle se woonplekke nie. Toe Anthonie en Francina trou in 1879, is hy van Broekpoort en sy van Olijvenboschfontein. In 1897 bekom Anthonie Gannafontein in die Boshof Distrik. Teen sy dood word Gannafontein nog as sy gewone verblyfplek aangedui, alhoewel dit nie in sy boedel voorkom nie. Teen Anthonie se dood in 1924 besit hulle ‘n halwe erf in Boshof en vier erwe in Meyer- en in Hoofdstraat in Dealesville. Francina is oorlede op Biesjiesdam in die Boshof distrik