• General Notes

  ABW
  Hy was ‘n boer. Hulle het vyf kinders gehad. Willem het na Martha se dood getrou met Anna Sophia van Tonder van die Venterstad omgewing. Koos Venter bemaak aan sy dogters Martha en Hester Clasina ‘n gedeelte van Broekpoort, Middelbult en Waterval, maar dan moet hulle elk £100 in die boedel stort. Na Koos se afsterwe, repudieer Martha en Willem die erflating omdat hulle nie in die vermoë is om die voorwaardes na te kom nie375. Toe Martha in 1896 oorlede
  is, was die boedel £213 groot en het die bestaan uit huisraad, ‘n kar, ‘n bokwa, 2 waens, trekgoed, vier perde
  en 24 donkies. Daar was geen vaste eiendom nie.
  Volgens hulle huweliksertifikaat was Willem afkomstig van Quaggafontein in die Boshof distrik en Martha vanaf
  Broekpoort, Bethulie. Toe hulle in 1883 ‘n testament opstel word hulle ook vermeld as van Quaggafontein. Toe
  Willem en Martha in 1889 die erflating uit Koos Venter se boedel repudieer, word aangedui dat hulle in
  Johannesburg woon. Toe Martha in 1896 oorlede is, word aangedui dat hulle woon te Rietfontein in die Distrik
  Heidelberg, Tvl. Toe hy c. 1897 weer trou, word ook na hom verwys as afkomstig van die Dist. Heidelberg, Tvl.
  Daar is verskeie plase in die Heidelberg distrik met die naam Rietfontein en die ligging van die betrokke plaas
  kan nie bo twyfel bepaal word nie.
  Voor die Anglo-Boere-oorlog huur Willem die “Barret’s Portion” van die plaas Rietfontein in die Distrik Heidelberg, Tvl. Hy was al in 1896 bekend aan diegene van wie hy die plaas huur. Tydens die Anglo-Boereoorlog was Willem op Kommando, eers as deel van die Boksburg Kommando en toe as deel van Kmdt. Weilbach se manskappe. Op 29 Mei 1900 het hy vrywillig oorgegee te Germiston en enkele dae later die eed van neutraliteit afgelê. Die Britse troepe het in ‘n stadium die plaas wat hy huur gebruik as ‘n “perdeplaas” en hy het verliese aan gesaaides gely. Sy eis vir oorlogskadevergoeding is egter nie goedgekeur nie.376 Daar kon nie Kkamp of Krygsgevkamp gegewens opgespoor word nie. Na die oorlog woon hy te Germiston.
  Tydens die Anglo-Boereoorlog het Willem en Martha se dogter Martha op Broekpoort by haar ouma, Elsje
  Venter, gewoon en was sy ook in die Konsentrasiekamp Bethulie..
  Teen sy dood woon Willem in Grahamstraat 28, Geduld Uitbreiding, Springs waar hy die betrokke erf met
  gebou besit. Hy besit ook ‘n tweede erf in Geduld Uitbreiding. 

Details of Martha's family with Willem Jan Steyn (Harm)